د هایدروکاربن لابراتوار

د تحلیل او تجزیې عمومي مدیریت:

د هایدروکاربن لابراتوار په کابل کې د AOGC په مرکزي دفتر کې ځای پر ځای شوی دی. یاد لابراتوار د څرنګوالي (کیفیت) کنټرول آمریت یوه څانګه ده چې د ۱۴۰۲ لمريز کال تشکیل ته په کتو سره د تېلو او ګازو او د دوی د مشتقاتو د څرنګوالي کنټرولولو مسؤلیت پر غاړه لري. په لابراتوار کې، موږ ټول هایدروکاربن توکي د (C1 څخه تر C36) پورې د اټوماټیک او نیمه اټوماټیک وسیلو په واسطه معاینه کوو. زموږ مسلکي انجینران د نفتي توکو د ازموینې لړۍ د معیاري میتودونو په کارولو سره د پرمختللو وسیلو پر مټ ترسره کوي. که چېرته د ازمویل شويو توکو څرنګوالی ټیټ ثابت شي، بېرته لابراتوار ته لېږدول کېږي. د ازموینې پایلې زموږ د ټیم لخوا څېړل کیږي ترڅو ډاډ ترلاسه شي چې د ازمول شویو توکو څرنګوالی د هیواد د ملي معیارونو او نورمونو سره سم دي او که یا، او په پایله کې ورته د څرنګوالي جواز صادروي.

همداراز، د سپکو او درنو هایدروکاربونونو د تثبیتولو لپاره یو مرکزي لابراتور شتون لري. په دې لابراتوار کې، کابو (۱۰) تنه تجربه لرونکي انجنیران کار کوي چې هره ورځ د هایدروکاربن توکو په معاینه کولو بوخت دي. د یادولو وړ ده چې د هایدروکاربونونو ازموینې لپاره له نورو هیوادونو څخه نوې آلې پېرل شوي دي چې دا د شرکت د عاید په زیاتوالي کې مهم رول لوبوي.

هغه آلې چې اوس مهال په لابراتوار کې ترېنه ګټه اخیستل کېږي په لاندې ډول دي:

د اکټان او سيټین د نمبر مالومولو آله: دا آله په پټرول تېلو کې د اکټان ځانګړنې او د سیټین نمبر تثبیتولو لپاره پکار وړل کېږي؛ او همدارنګه په ډيزل تېلو کې د انډیکس نمبر را په ګوته کوي.
د فرکشنی تقطیر آله: د پارامیټرونو د ټاکلو لپاره، دا په هایدرو کاربنونو کې د حجم فیصدي تثبیتوي، د بیلګې په توګه د ۱۰ څخه تر ٪۹۰ پورې فرکشنونه او د تقطیر پیل او پای څرګندوي.
د فلش پاینټ آله:- دا د ډیزلو تېلو د څرک یا جرقې د عدد چې سپک او درانه هایدروکاربنونه پکې شامل دي، مالومولو لپاره پکار وړل کېږي.
د کنیماتیکي سريښوالي مالومولو آله: د روغنیاتو په برخه کې که چېرته د تخنیکي نورم سره سم وي، دا آله د تثبیت شویو توکو سريښوالی تائیدوي.
د پاور پاینټ آله: دا آله د تخنیکي نورم سره سم د ډیزل او روغنیاتو د ابري کېدو ټکی او د انجماد نقطه تحلیلوي.
د سلفر آله: دا آله په هایدرو کاربنونو کې د سلفر د مقدار مالومولو لپاره که چېرته د منل شویو ملي معیارونو سره سم وي، په کار وړل کېږي.
د پټرولیم او ګاز د کروماتوګرافي آله: د دې آلې پر مټ د نفتي توکو او اوبلن ګازو رنګ د ASTM میتود په واسطه ارزول کېږي.
د کروماتګرافیک GC آله: په اوبلنو ګازو کې د (Peutane) اندازه مالوموي او همدارنګه د ایتان او سیټین اندازه تنظیموي.
د پټرولیم او اوبلنو ګازو د بخار فشار مالومولو آله: په تېلو او اوبلن ګازو کې د مشبوع شوي بخار فاز ټاکي تر څو په پټرولیم تېلو او اوبلن ګازو کې د بخار فاز اندازه تثبیت کړي.
په تېلو او ګازو کې د هایدروکاربن د جاذبې مالومول
په هایدروکاربوني توکو کې د تودوخې درجه مالومول